Helshoogte Geriewe

Helshoogte is ‘n koshuis van vele geriewe. Dit het ‘n reghoekige vorm en is die hoogste manskoshuis in Afrika. Daar is 9 vloere vir huisvesting, ‘n grondvloer asook ‘n “basement”. 2 hysbakke maak voorsiening vir vervoer van bo na onder. Daar is ook ‘n stel trappe wat van die “basement” tot op vloer 9 strek. Dit staan bekend as die brandtrap. Daar is nog ‘n stel trappe wat van die grondvloer tot op vloer 9 strek. Dit is reg langs die hysbakke in die middel van die gebou. Nog ‘n stel brandtrappe strek tot op vloer 4 (tot op die dek). Dit is aan Merriman laan se kant.
‘n Lys van kamers, geriewe en eienskappe waaruit dit bestaan kan soos volg gesien word.

Daar is ‘n groot Eetsaal op die “basement” waar inwoners hulle etes kan geniet asook huisvergaderings en ander funksies gehou word.  Daar word selfs informele danse van tyd tot tyd gehou. ‘n Groot kombuis is langs die eetsaal  waar alle etes voorberei word. Daar is ‘n koelkamer in die kombuis van ongeveer 6 vierkante meter. Op die “basement” is daar altesaam 5 buitedeure. (Inwonende hoof  se huis uitgesluit).

Op die grondvloer is daar  ‘n hokkie waarin die eerstejaar aan diens sit om voordeurdiens te behartig. ‘n Waskamer op die grondvloer bestaan uit 4 wasmasjiene en 4 tuimeldroeërs. Daar is ‘n Argief wat klomp geskiedenis van die huis inhou.  Daar is ook ‘n badkamer op die grondvloer vir mans en een vir vroue. Tannie Anna se kantoor is ook op die grondvloer.

Vloer 1 bestaan uit 4 seksies. Die eerste 3 seksies is A, B en C en die “gat” staan bekend as D. Seksie A is aan die tennisbane se kant van vloer 1 tot vloer 9. (Die hysbakke is tussen A en B.)  Elke seksie het ongeveer 15 kamers wat 2 dubbelkamers insluit.

Vloer 2 en vloer 3 het 3 seksies elk. Elke seksie (op elke vloer) het ‘n badkamer met 3 storte, ‘n bad, ‘n wasbak , 2 toilette en 2 krippe. In elke seksie is daar ‘n kuierareatjie genaamd ‘n koffiekroeg. (Geld vir al die seksies op al die vloere). Deur die jare probeer elke vloer sy gunsteling koffiekroeg op so ‘n manier opgradeer dat dit later ‘n kompetisie tussen vloere is oor wie s’n die “coolste” is.

Vloer 4 het net 1 seksie. Dit is omdat vloer 4 vir baie ander tariewe en geriewe sorg. Daar is ‘n foosball tafel. Daar is ‘n badkamer vir besoekers. Vloer 4 beskik ook oor ‘n gym. Die gym is groot en het die baie toerusting  en gewigte. Dit bestaan uit 2 kamers aan weerskante van die gang na die dek. Die DSTV dekodeerder is op vloer 4. Daar is ‘n snoepwinkel op vloer 4 en om dit wat binnesmuurs is af te sluit, is daar ‘n Klub genaamd “Club 95” wat sorg vir vele skakelings en kuiers. Van vloer 4 af is daar nie ‘n 3de seksie nie. Die dek is dus op vloer 4 uitgeplavei. Op die dek is daar 2 braaiers. Generaal Koos se hok is in die hoek op die dek.

Vloer  5, 6 en 7 het dieselfde uitleg. Daar is ‘n A en ‘n B seksie met ‘n koffiekroeg op elke seksie.

Vloer  8, beter bekend as vloer 10 om verskeie redes, het dieselfde uitleg as vloer 5-7. Dit is egter die vloer waar militere studente van die vloot en lugmag bly. Vloer 10 se koffiekroeg word die “Batbar” genoem.

Vloer 9 is die oumanvloer. Die meer senior manne bly op vloer 9 (oud-HK’s ens.)  Daar is ‘n welingerigte-gebedskamer. Daar is ook ‘n rekenaarkamer met ‘n printer wat aan de universiteit se netwerk gekoppel is. ‘n Balkon in die gebedskamer is vir almal in die koshuis toeganklik. Daar is ook 2 seksies. Die prim -en onder-primflats is ook op vloer 9.

Buite Helshoogte is daar ‘n Joolstoor waarin gereedskap en ander “power tools” gestoor word. ‘n  Fietsloods langs die Joolstoor is ‘n veilige plek vir koshuisinwoners om hulle fietse te bêre. Die Tokkie is ‘n 30x15 stuk gras waar buiteaktiwiteite plaasvind tot die ouens se vermaak. Op die Tokkie word daar gebraai, tougetrek en geswem.

dis al.