HELSHOOGTE KRAAI WEER OP KAMPUS…

Die jaar 2014 het ‘n onverwagse draai gevat toe Helshoogte se Kleinsêr groep: Hoendervleis, eweskielik uit die hoenderhok vlieg en baas van die plaas raak. Hierdie nuwe groep sangers het, onder die leiding van Jan-Beyers Jonker en Lukai Kolabhai, 3de plek geneem by die ATKV se Kleinsêr kompetisie. Die jaar 2015 het baie potensaal ingehou en die kampus kon net wonder wat by Helshoogte sou uitbroei…

Die Helshoogte-Eendrag derby van 2015 het gekom en gegaan so vinnig soos daardie jimmy wat skuiling neem in die kraak van jou muur. Met dit het ’n klomp trotse oomblikke aangebreek en ongelukkig ook het ’n paar harde slae die Hellies manne getref.

Die derby het afgeskop op ’n ligter noot met die kultuuraand. Musiek en drama het die gehoor vermaak in die Dawie Swart–saal van Helshoogte. Die hoogtepunt van die aand was definitief die soet klanke verskaf deur ons eie Hoendervleis. Duidelik was Eendrag op die agtervoet na die kultuuraand aangesien hulle sêr groep nie eers ’n verskyning gemaak het nie.

Nel, Jan-Johan, het die hane na hul tweede agtereenvolgende naweekliga finaal oorwinning gelei. Die finaal het plaasgevind teen Eendrag op die 19de April 2015.

Helshoogte het die loot gewen en besluit om eerste te gaan kolf. Met albei Helshoogte se openings kolwers uit vir nul, het dit sekerlik gelyk of Eendrag die oorhand het. Die manne van Helshoogte het mooi kopgehou, met Jooste en Nel wat die span weer op koers gekry het. Helshoogte het ʼn totaal van 177-8 behaal na 45 boulbeurte, met behulp van Venter met 37 en Kirstein met 36.

Met die aand wat uiteindelik aanbreek stroom almal na die eetsaal. Die dapper Oumanne wat voor sit in hulle kilts en toeskouers wat uit elke hoek uit peul om seker te maak dat hulle niks van die aksie mis nie. Zando Schmidt wat Seremoniemeester vir die aand is sorg vir net nog meer opgewondenheid en die atmosfeer raak iets besonders. 'n Aand in Hoenderweek wat die hele Helshoogte laat gons. Hierdie is die aand waar jy jou sê kan sê. Die ou uitdaag wat altyd jou botteloopmaker leen en nooit terugbring nie, die vriend wat jou kos uit die yskas steel of selfs jou kamermaat om te bepaal wie nou eintlik die kamer domineer. Hierdie aand gaan nie net oor "bragging rights" vir die res van jou lewe nie, dit gaan oor die broederskap in Helshoogte en die permanente bande wat daaruit vorm.

As ‘n man nou bietjie ouer raak en die muisneste begin jou so bietjie pla, dan moet jy dinge soos valentynsdag onthou, wat nie altyd so maklik is nie. Hierdie jaar was ons geseën met ‘n datum wat baie maklik onthou sal word deur enige Helshoogter, 14 Februarie of beter bekend as ‘n week voor die beste dag van die jaar: Hoenderdag.

Hoenderdag is nie net ‘n hoogtepunt op die koshuismanne se jaarkalender nie, maar vir die hele Stellenbosch. Elke Matie wil vir ‘n dag ‘n hoender wees.